Italiyaning "Milan" klubi qishki transfer bozorida "Fiorentina" himoyachisi Nikola Milenkovichni o‘z safiga qo‘shib olishga harakat qilib ko‘radi.
Tuttomercatoweb saytining tarqatgan ma’lumotiga qaraganda, "rossonerlar" serbiyalik futbolchini 2022 yilning mavsumning oxiriga qadar 10 million yevro evaziga ijaraga olishga tayyor.
Ijara muddati yakunlangach, "Milan" 23 yoshli futbolchining transferini 30 million yevroga sotib oladi.
Shuningdek, serbiyalik futbolchiga "Yuventus" va "Inter" klublari ham qiziqish bildirishmoqda.
Milenkovich joriy mavsum "Fiorentina" tarkibida 8 ta uchrashuvda maydonga tushdi va 1 ta gol urib, bitta golga hammualliflik qildi.
