Италиянинг "Милан" клуби қишки трансфер бозорида "Фиорентина" ҳимоячиси Никола Миленковични ўз сафига қўшиб олишга ҳаракат қилиб кўради.
Tuttomercatoweb сайтининг тарқатган маълумотига қараганда, "россонерлар" сербиялик футболчини 2022 йилнинг мавсумнинг охирига қадар 10 миллион евро эвазига ижарага олишга тайёр.
Ижара муддати якунлангач, "Милан" 23 ёшли футболчининг трансферини 30 миллион еврога сотиб олади.
Шунингдек, сербиялик футболчига "Ювентус" ва "Интер" клублари ҳам қизиқиш билдиришмоқда.
Миленкович жорий мавсум "Фиорентина" таркибида 8 та учрашувда майдонга тушди ва 1 та гол уриб, битта голга ҳаммуаллифлик қилди.
