Coca Cola Superliga 24-tur doirasidagi “Qo‘qon-1912” – “Lokomotiv” uchrashuvidan keyingi matbuot anjumanining birinchi qismida “Lokomotiv” bosh murabbiyi Andrey Miklyayev ishtirok etdi.
– Bugungi o‘yin haqida ko‘p gapirish qiyin. Bugungi uchrashuv oson bo‘lgani yo‘q. Qo‘qonliklar so‘nggi yillarda o‘z maydonlarida yaxshi o‘yin namoyish etib kelishmoqda. Bugun uch ochko ishlaganimizdan xursandman. Futbolchilar ko‘rsatmalarni to‘g‘ri bajarishdi. Omadimiz kelib gol urdik va juda yaxshi himoyalandik. Umuman olganda teng o‘yinda omad biz tomonimizda bo‘ldi.
Timur Kapadze yaxshi murabbiy ekanligini bilamiz. U futbolchilar bilan yaxshi til topishadi. Futbolchilar ham unga ko‘proq unga ishonishadi. Uning jamoaga kelishi juda foydali bo‘ldi. Kopadzening kelishi bilan biz ahil jamoaga aylandik.
Kubok orqali Chempionlar ligasi uchun beriladigan yo‘llanmaga ega bo‘lishga harakat qilamiz. Jamoamizni bir qator yetakchi o‘yinchilar tark etganiga qaramay, yoshlar va iqtidorli o‘yinlar bilan kubokda g‘alaba qozonishni maqsad qilganmiz. Yana bir maqsadimiz har bir bahsda g‘alaba qozonishdir.
