Londonning «Arsenal» klubi bosh murabbiyi Mikel Arteta Yevropa Ligasi doirasida«Molde» (3:0) klubi ustidan qo‘lga kiritilgan g‘alaba haqidagi fikrlari bilan o‘rtoqlashdi.

«Pepeni ko‘rsatgan o‘yinidan qoniqdim. U dastlabki daqiqalarnoq maydonda katta ishlarni amalga oshirishga tayyor ekanligini sezdim. O‘ylaymanki, o‘yinni yaxshi o‘tkazdi: gol kiritdi, bir qator vaziyatlarni sodir etdi va jamoaning foydasi uchun yaxshi harakat qildi.

Umuman olganda, o‘yin borasida ijobiy fikrdaman. Ularning darvozasini doim ta’qib ostida ushlab turdik, lekin, e’tibor bilan harakat qiladigan vaziyatlarni ko‘zdan qochishdir. Buni bartaraf etish uchun vaqt kerak.

Haqiqatdan ham, bugun maydonga ko‘plab yoshlarni tushurdim, ammo ularning ko‘rsatgan o‘yinlaridan qoniqdim», – dedi Arteta.