Ushbu ruknimizdagi eng so‘nggi yangiliklar bilan tanishtirib o‘tishda davom etamiz.
"Aston Villa" voz kechdi
Birmingemning "Aston Villa« jamoasi »Verder" vingeri Milot Rashisni qo‘lga kiritish borasidagi fikridan qaytdi.
Bild nashrining ma’lum qilishicha, nemis klubi o‘z futbolchisini qishda transferga qo‘yishdan bosh tortgan.
Eslatib o‘tamiz, futbolchining «Verder» bilan shartnomasi 2022 yilda o‘z yakuniga yetadi.
Zakariya ketmoqchi emas
Germaniyaning «Borussiya M» jamoasi yarim himoyachisi Denis Zakariya o‘zining boshqa klubga o‘tishi borasida mish-mishlarga oydinlik kiritdi.
«Bu shunchaki mish-mishlar xolos. Ularning hech birida zarracha haqiqat mavjud emas. Men ayni damda, 100 foiz e’tiborimni »Borussiya M«ga qaratganman.»
Eslatib o‘tamiz, bir necha kun avval shveysariyalik futbolchi bilan «Chelsi» klubi qiziqib qolgani haqidagi xabarlar tarqagan edi.
"Arsenal«ga »Norvich" futbolchisi kerak
Londonning "Arsenal« jamoasi »Norvich" klubi yarim himoyachisi Emiliano Buendiya bilan jiddiy qiziqib qoldi.
Ingliz nashrlarining ma’lum qilishicha, «Norvich» o‘z futbolchisini Londonga qo‘yib yuborishga qarshi emas, ammo buning uchun kamida 20 million yevro talab qiladi.
«Goal» nashrining ma’lum qilishicha, "Arsenal" yarim himoyachi borasida o‘zining rasmiy taklifini kelasi haftada jo‘natmoqchi.
Eslatib o‘tamiz, avvalroq futbolchi bilan "Atletiko Madrid" qiziqib qolgani haqida xabar bergan edik.
"Atalanta" tayyor
Italiyaning "Atalanta" jamoasi o‘z yulduzini transferga qo‘yishga tayyor.
Bergamoliklar hujumchisi Duvan Sapata borasida bir nechta grand jamoalardan takliflar kelib tushgach, klub shunday qarorga keldi. Unga ko‘ra, hujumchini qo‘lga kiritishni istagan jamoa 50 million yevro sarf etishi lozim.
Eslatib o‘tamiz, hujumchi bilan Turinning «Yuventus» va Madridning "Atletiko" klublari shartnoma imzolamoqchi.
«Inter» yanvarga tayyorlanmoqda
Milanning «Inter» jamoasi o‘z himoyachisi Milan Shkrinyarni transferga qo‘yishga tayyor.
«The Sun» nashrining ma’lum qilishicha, klub 25 yoshli futbolchini yanvar oyidayoq sotib yubormoqchi.
Ayni damda, Kontening rejalariga kiritilmagan futbolchi bilan bir nechta APL jamoalari jiddiy qiziqib qolgani bor gap. Ayni damda, asosiy da’vogar «Tottenhem» bo‘lib turibdi.
