«Barselona» Ispaniya chempionatining 12-turi doirasida «Kadis» klubi mehmoni bo‘ladi. "Ko‘k-anorranglilar" bosh murabbiyi Ronald Kuman mazkur o‘yin uchun kengaytirilgan tarkibni e’lon qildi.
Kengaytirilgan tarkibdan 21 nafar futbolchi o‘rin oldi. Jan-Kler Todibo, Jerar Pike, Serxi Roberto, Samuel Umtiti va Ansu Fati jarohat tufayli ertangi bahsni o‘tkazib yuborishadi.
«Barselona»ning «Kadis»ga qarshi o‘yin uchun qaydnomasi:
Darvozabonlar: Mark-Andre ter Shtegen, Norbertu Neto, Inyaki Penya
Himoyachilar: Serjinyo Dest, Ronald Arauxo, Kleman Langle, Jordi Alba, Xunior Firpo, Oskar Mingeza
Yarim himoyachilar: Serxio Buskets, Karlos Alenya, Miralem Pyanich, Riki Puch, Filippe Koutinyo, Pedri, Trinkau, Frenki de Yong
Hujumchilar: Antuan Grizmann, Martin Breytueyt, Lionel Messi, Usmon Dembele.
Eslatib o‘tamiz, "Kadis" - "Barselona" o‘yini 5 dekabrdan 6 dekabrga o‘tar kechasi, Toshkent vaqti bilan 01:00da boshlanadi.
