Myunxenliklarning jarohat olgan himoyachilari Yozua Kimmix va Alfonso Deyvislar birin-ketin jamoa mashg‘ulotlariga qo‘shilishni boshlashdi.
Bu haqda rasman jamoa bosh murabbiyi Xans Diter-Flik xabar bermoqda:
«Kimmix hali to‘liq tayyor holatda emas. Men uni maydonga tushirmoqchi emasdim, lekin u menga yil oxiriga qadar bir nechta o‘yinlarda qatnashish niyati borligini aytdi va u bu uchun to‘xtovsiz mehnat qilmoqda. Agar jismoniy holati to‘g‘ri keladigan bo‘lsa, men uni "Leipsig"ga qarshi zaxiradan maydonga tushirishim mumkin. Lekin Kimmix kelasi yilgacha to‘liq tiklana olmaydi», - deydi murabbiy.
Shuningdek, mutaxassisning so‘zlariga ko‘ra, Deyvis ham yaqin orada mashg‘ulotlarga qo‘shilishi kutilmoqda va «Lokomotiv» bilan YECHL bahsida maydonga tushishi mumkin.
Eslatib o‘tamiz, Kimmix «Borussiya» Dortmundga qarshi uchrashuvda, Deyvis esa undan sal avvalroq jiddiy jarohat olib, safdan chiqishgan edi.
