Мюнхенликларнинг жароҳат олган ҳимоячилари Ёзуа Киммих ва Алфонсо Дейвислар бирин-кетин жамоа машғулотларига қўшилишни бошлашди.

Бу ҳақда расман жамоа бош мураббийи Ханс Дитер-Флик хабар бермоқда:

«Киммих ҳали тўлиқ тайёр ҳолатда эмас. Мен уни майдонга туширмоқчи эмасдим, лекин у менга йил охирига қадар бир нечта ўйинларда қатнашиш нияти борлигини айтди ва у бу учун тўхтовсиз меҳнат қилмоқда. Агар жисмоний ҳолати тўғри келадиган бўлса, мен уни "Леипциг"га қарши захирадан майдонга туширишим мумкин. Лекин Киммих келаси йилгача тўлиқ тиклана олмайди», - дейди мураббий.

Шунингдек, мутахассиснинг сўзларига кўра, Дейвис ҳам яқин орада машғулотларга қўшилиши кутилмоқда ва «Локомотив» билан ЕЧЛ баҳсида майдонга тушиши мумкин.

Эслатиб ўтамиз, Киммих «Боруссия» Дортмундга қарши учрашувда, Дейвис эса ундан сал аввалроқ жиддий жароҳат олиб, сафдан чиқишган эди.