Angliyaning «Liverpul» klubi bosh murabbiyi Yurgen Klopp kelasi yili yozda bo‘lib o‘tadigan Yevropa chempionatida Angliya terma jamoasida muammolar yuzaga kelishini aytib o‘tdi. Uning fikricha, besh nafar futbolchi almashtirish qoidasi bekor qilingani va taqvimning zichligi Angliya terma jamoasiga muammo tug‘diradi.

«Kelasi yili Garet Sautgeyt katta muammolarga duch kelishi mumkin. U Yevro-2020 uchun terma jamoasiga chaqiradigan futbolchilar jismoniy tarafdan tayyor bo‘lmasliklari mumkin. Agar besh nafar futbolchi almashtirish qoidasi qaytarilmas ekan, u bir qator jarohat olgan futbolchilar terma jamoasi ixtiyoriga borishi mumkin.

Hozir barcha jamoalar qiyin davrni boshdan kechirishmoqda. Hozir deyarli barcha klubi har ikki-uch kunda bor kuchi bilan o‘ynashga harakat qilyapti. Bu naqadar qiyin ekanligini barcha bilmoqda. Ovoz berish jarayoni allaqachon tugagan bo‘lsa-da, biz beshta futbolchi almashtirish qoidasini qaytarishlarini talab qilaveramiz. Endi har kim o‘zini bizning o‘rnimizda his qilishi mumkin», — dedi Yurgen Klopp.