Англиянинг «Ливерпуль» клуби бош мураббийи Юрген Клопп келаси йили ёзда бўлиб ўтадиган Европа чемпионатида Англия терма жамоасида муаммолар юзага келишини айтиб ўтди. Унинг фикрича, беш нафар футболчи алмаштириш қоидаси бекор қилингани ва тақвимнинг зичлиги Англия терма жамоасига муаммо туғдиради.
«Келаси йили Гарет Саутгейт катта муаммоларга дуч келиши мумкин. У Евро-2020 учун терма жамоасига чақирадиган футболчилар жисмоний тарафдан тайёр бўлмасликлари мумкин. Агар беш нафар футболчи алмаштириш қоидаси қайтарилмас экан, у бир қатор жароҳат олган футболчилар терма жамоаси ихтиёрига бориши мумкин.
Ҳозир барча жамоалар қийин даврни бошдан кечиришмоқда. Ҳозир деярли барча клуби ҳар икки-уч кунда бор кучи билан ўйнашга ҳаракат қиляпти. Бу нақадар қийин эканлигини барча билмоқда. Овоз бериш жараёни аллақачон тугаган бўлса-да, биз бешта футболчи алмаштириш қоидасини қайтаришларини талаб қилаверамиз. Энди ҳар ким ўзини бизнинг ўрнимизда ҳис қилиши мумкин», — деди Юрген Клопп.
