Ortda qolgan hafta davomida yangragan eng diqqatga sazovor iqtiboslarga e'tiboringizni qaratamiz
Karlos Teves
"«Boka Xuniors» libosi og‘ir, uni kiyganingda yuqori hajmli yukka ega bo‘lasan. Buni faqat men his qila olaman. Har gal uni kiyganimda tanamga o‘zgacha energiya kirgani menga sezilib turadi. Shuning bilan birga dam ham olaman va gol urishga bo‘lgan ishtiyoqim keskin ortib ketadi. Bu nima sababdan bilasizmi? Chunki bu libosni Maradona ham kiygan. U tensiz, u Xudo, u boshqa planetadan. Har gal men «Boka Xuniors» libosini kiyganimda ko‘proq gol urish uchun ishonchim ortadi".
Tomas Myuller
"Men britanlarning "Stok"da kuchli o‘yin namoyish etishingga to‘g‘ri keladi degan gapiga sira ham tushuna olmayman. U yerda qanaqasiga og‘ir bahs bo‘lishi mumkin, axir biz bugun Shtutgartda o‘ynadikku. "Shtutgart" "Stok" emas, lekin ulardan kam o‘yin namoyish etishmaydi ham. Ishonmaysizmi, yaqin oylarga nazar soling bo‘ldi"(kuladi).
(bu yerda Myuller o‘z intervyusida kichik bir hazilni qo‘llab ketgan. U "Barselona" ustidan qozonilgan 8:2 dan so‘ng o‘sha payti Messining britan stadionlaridagi "sovuq" natijlarini troll qilib ketgan edi va hozir aynan shuni eslamoqda).
Ederson Moraes
"Men "Rio"da o‘ynab yurgan kezlarim mashg‘ulotlarda juda ko‘p marta jarima zarbalarini ijro etib ko‘rganman va uning qiyinchiliklarini bilaman. Bizda butun jamoaga bu o‘rgatilar edi va bu borada professional sheriklarim yetarlicha ko‘p bo‘lgan. Men shuningdek, o‘z vaqtida penaltilarni ham yaxshi ijro etganman, lekin nega meni seriyalarga chaqirishmaganliklariga hayronman (hazil bilan). Biroq u davrlar endi ortda qolgan".
Jermain Defo
"Mour «Tottehhem»da nimaga erishayotgan bo‘lsa barchasini Son va Keyn orqali amalga oshirmoqda. Ular shubhasiz bugungi kundagi eng kuchli hujum tandemlari hisoblanishadi. Men faqat gol va assistlardagi sermahsullikka urg‘u berayotganim yo‘q. Ular joriy mavsumgacha hali pik nuqtaga chiqishmagan edi. Men shunchaki ularning onggiga Joze singdirayetgan qandaydir yaxlitlik g‘oyalariga qoyil qolyapman xolos. Menimcha, endi bu jamoani stabillikda ko‘rsak bo‘laveradi. Allaqachon mavsumning deyarli chorak qismi o‘tib bo‘ldi. «Tottenhem»da men anchadan beri bundayin barqarorlikni ko‘rmayotgan edim".
Karl Hayns-Rummeningge
"Noyer endi 34 ga kirdi va bu darvozabonlar uchun hali ochilish davri hisoblanadi. Uning uslubida pasayish bo‘lganini men ilg‘aganim yo‘q, qaytaga yildan yilga natijalari yaxshilanib boryapti. Agar bunga yo‘q deydigan bo‘lsangiz birgina ortda qolgan mavsumga qarashingizni o‘zi kifoya. Nemis futboli juda ko‘p iste’dodli darvozabonlarni yetishtirib bergan. Zepp Mayer va Oliver Kanlardan so‘ng bu pozisiyadagi san’atni u yuqori pog‘onaga olib chiqdi va menimcha bugungi kundagi jahonning eng kuchli darvozaboni. Garchi «Bavariya» bizning ichki chempionatdagi azaliy raqiblarimizdan biri bo‘lsada men Bundestimda raqobatbardosh darvozabonlar avlodi yetishib chiqayotganligidan mamnunman".
Sadio Mane
"Biz Papa Bubaning vafotiga dastlab ishonmagandik, buni faqat katta yurak bilan qabul qilsa bo‘ladi. U biz uchun o‘lmagan, qalbizmizda yashaydi. Garchi u bilan xayrlashish nasib etmagan bo‘lsada, haligacha qoldirib ketgan harakatlaridan ko‘p narsalar o‘rganaman. Diop mendan tashqari boshqa avlod vakillarining ham ardoqli kumirlaridan biri hisoblanadi".
Bernd Shuster
"Biz faoliyatimizning boshlarida taqdir taqazosi bilan bitta xonada yashaganmiz. Men Maradona gapirgan payti faqat eshitardim. U nafaqat futbolda, balki oila, jamiyat mavzularida ham yaxshi sirdosh edi. Uning gaplaridan ochiqko‘ngilli ekanligini ilg‘ash qiyin bo‘lmagan. U barcha sheriklari uchun maydondan tashqarida ham g‘amxo‘rligini ayamagan. To‘g‘ri, keyinchalik qilgan ba’zi xurmacha qiliqlari balki juda ko‘p tilga olinar, biroq bular uning insoniylik xarakteriga hech qachon to‘siq bo‘la olmaydi".
Yusufbek Saydaliyev tayyorladi
