Myunxenliklar ustozi Xans-Diter Flik «Lokomotiv» ustidan qozonilgan g‘alabadan so‘ng (2:0) o‘z fikrlari bilan o‘rtoqlashdi.

«Zyule gol urmaguncha biz chuqur himoyadagi jamoaga qarshi o‘ynayotgan edik va yetarlicha qiynaldik. Lekin uning goli barchasini ochib tashladi. Shundan keyin o‘yin tizgini to‘liq biz tomonga o‘tib ketdi va birinchi goldan so‘ng allaqachon yutishimizga ishongandim. Zyule shundan so‘ng himoyada ham mustahkam o‘yin namoyish etdi. Chempionlikni munosib himoya qilishimizga ko‘zim yetyapti», - deydi murabbiy.

Eslatib o‘tamiz, kecha «Bavariya» «A» guruhida 16 ochko to‘plab, 1-o‘rin bilan pley-off masalasini hal qildi. Shuningdek, ular YECHLda 17 o‘yinlik mag‘lubiyatsiz ceriya ham qayd etishmoqda.