Yevropa ligasi musobaqasining guruh bosqichi yakunlanib, pley-offga chiqqan jamoalar aniq bo‘ldi. Yevropa ligasidan 24ta klub, Chempionlar ligasidan 8ta jamoa o‘z ishtirokini pley-off bosqichida davom ettiradi. 1/16 final bosqichiga qur’a tashlash marosimi 14 dekabr, dushanba kuni bo‘lib o‘tadi. Qur’a haqidagi foydali ma’lumotlar bilan tanishtirib o‘tamiz.
Qur’adan avval jamoalar 2ta savatchaga ajratiladi. "Saralanganlar" savatchasidan Yevropa ligasida guruh g‘olibiga aylangan klublar hamda YECHLdan o‘tgan va UYEFA reytingida yuqori o‘rinni egallagan 4ta jamoa o‘rin egallaydi.
"Saralanmaganlar" savatchasiga esa Yevropa ligasi guruh bosqichida 2-o‘rinni egallagan jamoalar hamda YECHLdan o‘tgan va UYEFA reytingida pastki o‘rinni egallagan 4ta jamoa joylashtiriladi.
"Saralanganlar"
"Roma" (Italiya)
"Arsenal" (Angliya)
"Bayer" (Germaniya)
"Reynjers" (Shotlandiya)
PSV (Niderlandiya)
"Napoli" (Italiya)
"Lester" (Angliya)
"Milan" (Italiya)
"Vilyarreal" (Ispaniya)
"Tottenxem" (Angliya)
"Dinamo Zagreb" (Xorvatiya)
"Xoffenxaym" (Germaniya)
"Ayaks" (Niderlandiya)*
"Bryugge" (Belgiya)*
"Manchester Yunayted" (Angliya)*
"Shaxtyor" (Ukraina)*
Izoh: * - YECHLdan o‘tgan klublar
"Saralanmaganlar"
"Yang Boyz" (Shveysariya)
"Molde" (Shvesiya)
"Slaviya" (Chexiya)
"Benfika" (Portugaliya)
"Granada" (Ispaniya)
"Real Sosyedad" (Ispaniya)
"Braga" (Portugaliya)
"Lill" (Fransiya)
"Makkabi" Tel-Aviv (Isroil)
"Antverpen" (Belgiya)
"Volfsberg" (Avstriya)
"Srvena Zvezda" (Serbiya)
"Krasnodar" (Rossiya)*
"Dinamo Kiyev" (Ukraina)*
"Olimpiakos" (Gresiya)*
"Zalsburg" (Avstriya)*
Izoh: * - YECHLdan o‘tgan klublar
Qur’a tartibi
— Qur’ada barcha jamoalar 2ta savatchaga ajratib olinadi. "Saralanganlar" javob o‘yinini o‘z uyida o‘tkazishadi.
— 1/16 final bosqichida Yevropa ligasida bitta guruhda ishtirok etgan jamoalar va bir mamlakat klublari o‘zaro to‘qnash kelmaydi.
— Boshqa cheklovlar haqida qur’a paytida e’lon qilinadi.
O‘yinlar taqvimi
1/16 finalning dastlabki o‘yinlari 18 fevral, javob bahslari esa 25 fevral kunlari bo‘lib o‘tadi.
