Suaresning italyan tili uchun topshirgan imtihonini qabul qiluvchi adminstrasiya vakili Lorenso Rokka test payti barcha jarayonlar shaffof bo‘lganini da’vo qilmoqda.
Futbolchining ishi bilan bog‘liq mojaro hali ham davom etmoqda. Imtihon olgan shaxslar esa hech qanaqa javob varaqalari bo‘lishi mumkin emasligini aytishyapti:
«Bu yerda futbolchining gapira olish va tinglab tushunish qobiliyatlari sinovdan o‘tgan. Barchasi uning uchun oson kechdi, javob berdi. Agar birov savollarga tez javob bersa, u javoblarni avvaldan bilgan bo‘lishi kerakmi, nahotki?!
Menda hech qanday Suares bilan bog‘liqlik bo‘lmagan. Mendan u kelib imtihon qanday o‘tishi haqida instruksiyalarni so‘ragandi va men pdf variantda shartlarni berganman xolos. "Yuve"ning hech bir a’zosi bilan gaplashmaganman», - deydi Rokka.
Bungacha esa mamlakat hukumati Suares va Rokka o‘rtasida imtihondan avval shubhali suhbat bo‘lganini aniqlashgan.
