Суареснинг итальян тили учун топширган имтиҳонини қабул қилувчи админстрация вакили Лоренцо Рокка тест пайти барча жараёнлар шаффоф бўлганини даъво қилмоқда.
Футболчининг иши билан боғлиқ можаро ҳали ҳам давом этмоқда. Имтиҳон олган шахслар эса ҳеч қанақа жавоб варақалари бўлиши мумкин эмаслигини айтишяпти:
«Бу ерда футболчининг гапира олиш ва тинглаб тушуниш қобилиятлари синовдан ўтган. Барчаси унинг учун осон кечди, жавоб берди. Агар биров саволларга тез жавоб берса, у жавобларни аввалдан билган бўлиши керакми, наҳотки?!
Менда ҳеч қандай Суарес билан боғлиқлик бўлмаган. Мендан у келиб имтиҳон қандай ўтиши ҳақида инструкцияларни сўраганди ва мен пдф вариантда шартларни берганман холос. "Юве"нинг ҳеч бир аъзоси билан гаплашмаганман», - дейди Рокка.
Бунгача эса мамлакат ҳукумати Суарес ва Рокка ўртасида имтиҳондан аввал шубҳали суҳбат бўлганини аниқлашган.
