Rimning «Roma» klubi hujumchisi Edin Jeko A Seriya doirasida «Bolonya» (5:1) ustidan qo‘lga kiritilgan g‘alaba haqidagi fikrlari bilan o‘rtoqlashdi.

«O‘yinni ajoyib tarzda o‘tkazdik, ayniqsa birinchi bo‘limni. «Bolonya»ga qarshi safarda to‘p surish har doim qiyin bo‘lgan.

Kiritilgan gol? Har doim Pelligrini menga o‘ynashini aytaman. Biz nafaqat Lorenso bilan, balki boshqa futbolchilar bilan ham bir-birimizni yaxshi tushunamiz.

Bugun yanada ko‘proq gol kiritishim mumkin edi, lekin g‘alabani qo‘lga kiritganimizdan xursandman. Koronavirusdan qutilganimdan keyin o‘zimni yaxshi his qilyapman. Umid qilamanki, qolgan gollarimni payshanba kuni bo‘lib o‘tadigan o‘yinga olib qo‘ydim.

Chempionatni kuchli to‘rtlikda yakunlashga umid qilyapmiz. Biz buni so‘nggi mavsumlarda amalga oshira olmayapmiz», - Jekoning so‘zlaridan iqtibos keltirmoqda Football Italia.