Italiyaning «Napoli» klubi bosh murabbiyi Jennaro Gattuzo A Seriya doirasida «Sampdoriya» (2:1) ustidan qo‘lga kiritilgan g‘alaba haqida fikr bildirdi.
«Bugun bizga oson bo‘lmasligini bilardik. Yevrokuboklarda ishtirok etayotgan barcha klublarning natijalariga e’tibor qarating.
Birinchi bo‘limni juda yomon o‘tkazdik, tanaffusgacha mag‘lubiyatga loyiq o‘yin namoyish etdik, ammo, ikkinchi bo‘limda vaziyatni o‘zgartira oldik.
Gol kiritganimizdan keyin futbolchilar oldimga golni nishonlash uchun yugurib kelishdi? O‘ylaymanki, ba’zida ular meni sevadi, ba’zida esa rasmlarimga tuflab yuborishadi. Men ham futbolchi bo‘lganman, men hech qachon xafa bo‘lmayman va hech qachon g‘azablanmayman, o‘ylaymanki, ular buni qadrlashadi. Men ularga yolg‘on gapirmayman va har doim haqiqatni gapiraman», - italiyalik murabbiyning so‘zlaridan iqtibos keltirmoqda Football Italia.
