Londonning «Tottenxem» klubi bosh murabbiyi Joze Mourinyo APL doirasida «Liverpul» klubiga qarshi bo‘lib o‘tadigan uchrashuvdan oldin tashkil etilgan matbuot anjumanida ishtirok etdi.

Avvalroq, Yurgen Klopp Mourinyoning "Tottenxem" klubidagi ishlariga yuqori baho berib, jamoani "ijobiy natijalar mashinasi"ga aylantira olgani haqida gapirgandi.

«Bir necha oylar ichida yaxshi natijalarga erishish mumkin. Jamoani natijalar mashinasiga aylantirish uchun esa juda ko‘p vaqt talab qilinadi.

So‘nggi yillardagi natijalar uchun mashina – bu «Liverpul». Ketma-ket ikki marta APLda g‘olib chiqqan men boshqargan "Chelsi" natijalar mashinasi edi.

Biz juda ko‘p mehnat qilayotgan yaxshi jamoamiz. «Liverpul» - bu 1894 kunlik ish natijasidir. Agar adashmayotgan bo‘lsam, Yurgen Klopp aynan jamoani shuncha kundan beri boshqarib kelmoqda. «Tottenxem» - 390 kunlik mehnatning natijasi. Vaholanki, bu kunlarning ko‘pi karantin bilan o‘tdi», - Mourinyoning so‘zlaridan iqtibos keltirmoqda BBC.