Лондоннинг «Тоттенхэм» клуби бош мураббийи Жозе Моуриньо АПЛ доирасида «Ливерпуль» клубига қарши бўлиб ўтадиган учрашувдан олдин ташкил этилган матбуот анжуманида иштирок этди.
Аввалроқ, Юрген Клопп Моуриньонинг "Тоттенхэм" клубидаги ишларига юқори баҳо бериб, жамоани "ижобий натижалар машинаси"га айлантира олгани ҳақида гапирганди.
«Бир неча ойлар ичида яхши натижаларга эришиш мумкин. Жамоани натижалар машинасига айлантириш учун эса жуда кўп вақт талаб қилинади.
Сўнгги йиллардаги натижалар учун машина – бу «Ливерпуль». Кетма-кет икки марта АПЛда ғолиб чиққан мен бошқарган "Челси" натижалар машинаси эди.
Биз жуда кўп меҳнат қилаётган яхши жамоамиз. «Ливерпуль» - бу 1894 кунлик иш натижасидир. Агар адашмаётган бўлсам, Юрген Клопп айнан жамоани шунча кундан бери бошқариб келмоқда. «Тоттенхэм» - 390 кунлик меҳнатнинг натижаси. Ваҳоланки, бу кунларнинг кўпи карантин билан ўтди», - Моуриньонинг сўзларидан иқтибос келтирмоқда BBC.
