Moskvaning «Spartak» klubi bosh murabbiyi Domeniko Tedesko «Zenit» klubidan qabul qilib olingan mag‘lubiyat haqida fikr bildirdi. «Spartak» RPLning 19-turida«Zenit» klubiga 1:3 hisobida imkoniyatni boy berdi.
«Mag‘lubiyatga loyiq edik. O‘yinni yomon boshlmagandik, lekin tezkor gol o‘tkazib yubordik. Bu stadionda raqibga imkoniyat berish mumkinmas. To‘g‘ri, avtogolni hisobiga natijani tenglashtirib olgandik, lekin to‘p uchun kurashda ko‘p yutqazdik, qarshi hujumda faol o‘ynamadik. Qaytaraman, bu o‘yinimiz bilan mag‘lubiyatga loyiq edik.
Yomon o‘yin ko‘rsatgan uchrashuvlarimiz soni ko‘p emas. Lekin aynan mana shunday o‘ynadik. Qarshimizda jiddiy raqib turgandi, ularning tarkibida barcha futbolchilar bor edi», - dedi germaniyalik mutaxassis.
