Hamyurtimiz to‘p surayotgan «Jenoa» klubi kecha musobaqa peshqadami «Milan»ga qarshi bahs olib borganidan xabaringiz bor. Uchrashuvdagi durangdan genuyaliklar ustozi Rolando Maran qoniqqanligini aytib o‘tdi.
«Men shogirdlarimning ko‘rsatgan o‘yinidan yuz foiz qoniqdim. Bemalol uch ochkoga ham loyiq edik. Chunki futbolchilar 9 oy avvalgi natijani qaytarish ilinjida harakat qilishdi.
O‘yin bobida yutqazdik, lekin ruhiy tomondan g‘alaba qozondik. Bizga yetishmayotgan sovuqqonlik endi shakllanib boryapti. Siz kecha g‘azablangan »Jenoa«ni ko‘rdingiz. Pioli mening do‘stim, lekin maydonda emas», - deydi Maran.
