Ҳамюртимиз тўп сураётган «Женоа» клуби кеча мусобақа пешқадами «Милан»га қарши баҳс олиб борганидан хабарингиз бор. Учрашувдаги дурангдан генуяликлар устози Роландо Маран қониққанлигини айтиб ўтди.
«Мен шогирдларимнинг кўрсатган ўйинидан юз фоиз қониқдим. Бемалол уч очкога ҳам лойиқ эдик. Чунки футболчилар 9 ой аввалги натижани қайтариш илинжида ҳаракат қилишди.
Ўйин бобида ютқаздик, лекин руҳий томондан ғалаба қозондик. Бизга етишмаётган совуққонлик энди шаклланиб боряпти. Сиз кеча ғазабланган »Женоа«ни кўрдингиз. Пиоли менинг дўстим, лекин майдонда эмас», - дейди Маран.
