Vulverxempton yetakchisi Raul Ximenes o‘zini og‘ir vaziyatda qo‘llab quvvatlayotgan barcha muxlislariga minnatdorchilik bildirdi.

«Menga jo‘natilayotgan xabarlarning deyarli barchasini o‘qib boryapman. Ochig‘i, bu juda ta’sirli holat. Og‘ir vaziyatda meni qo‘llagan barchaga rahmat. Men sizlar uchun ham tezroq sog‘ayishga harakat qilaman», - deydi futbolchi.

Eslatib o‘tamiz, meksikalik hujumchi Premyer-liga 10-turidan o‘rin olgan «Arsenal»ga qarshi bahsda David Luis bilan jiddiy to‘qnashuvda ishtirok etib, bosh suyagini sindirib olgan edi.

Keyinchalik operasiyadan so‘ng futbolchiga maxsus niqob kiydirilib, Londonda qaytadan davolanmoqda. Hozircha futbolchining qachon safga qaytishi to‘g‘risida ma’lumotlar yo‘q.

Eslatib o‘tamiz, Ximenes joriy mavsum «bo‘rilar» safida 11 ta o‘yinda maydonga tushib 3 ta gol urgan.