Вулверхемптон етакчиси Раул Хименес ўзини оғир вазиятда қўллаб қувватлаётган барча мухлисларига миннатдорчилик билдирди.
«Менга жўнатилаётган хабарларнинг деярли барчасини ўқиб боряпман. Очиғи, бу жуда таъсирли ҳолат. Оғир вазиятда мени қўллаган барчага раҳмат. Мен сизлар учун ҳам тезроқ соғайишга ҳаракат қиламан», - дейди футболчи.
Эслатиб ўтамиз, мексикалик ҳужумчи Премьер-лига 10-туридан ўрин олган «Арсенал»га қарши баҳсда Давид Луис билан жиддий тўқнашувда иштирок этиб, бош суягини синдириб олган эди.
Кейинчалик операциядан сўнг футболчига махсус ниқоб кийдирилиб, Лондонда қайтадан даволанмоқда. Ҳозирча футболчининг қачон сафга қайтиши тўғрисида маълумотлар йўқ.
Эслатиб ўтамиз, Хименес жорий мавсум «бўрилар» сафида 11 та ўйинда майдонга тушиб 3 та гол урган.
