«Napoli» yetakchisi va sardori Lorenso Insinye «Inter» bilan kechgan bahsda hakamga nisbatan ishlatgan haqoratli so‘zlaridan so‘ng kechirim so‘radi. U hozir barchasidan afsusda.
«Men Milanda o‘tgan voqelikdan qattiq afsusdaman. Jamoa sardori boshqalarga o‘rnak bo‘lishi kerak edi. "Lasio"ga uchralgan mag‘lubiyatda ham o‘zimni aybdor his qilyapman. Chunki men maydonga tusha olmadim, kerakli paytda yordam berishim kerak edi. Usiz ham hujum chizig‘ida jarohatdagi futbolchilar ko‘p edi.
Endi biz "Torino" bilan faqat 3 ochko uchun o‘ynaymiz. Ayni paytda muxlislarning ishonchini qaytarish eng muhim ish», - deydi futbolchi.
Eslatib o‘tamiz, Insinyega nisbatan belgilangan «ban» tugab bo‘ldi va endi u «Torino»ga qarshi bahsda ishtirok etishi mumkin.
