Londonning "Arsenal" klubi bosh murabbiyi Mikel Arteta Angliya Liga kubogi chorak finalida "Manchester Siti"dan uchralgan yirik mag‘lubiyat (1:4) haqidagi fikrlari bilan o‘rtoqlashdi.
«Bu saviyadagi raqib sizni xatolar uchun jazolaydi va bu ishni yanada qiyinlashtirdi. Biz qarshi hujumda yaxshi daqiqalarni o‘tkazdik, ammo keyin ular ofsayddan gol urishdi - yakunda yana mag‘lub bo‘ldik.
O‘yin qanday o‘tgan bo‘lsa, buni qabul qilish qiyin. Bunday raqibga gol urishga imkoniyat bersangiz, g‘alaba qozonishingiz imkonsiz bo‘lib qoladi. Har bir uchrashuvlarimizda juda g‘alati voqealar sodir bo‘lyapti va bu narsalar vazifamizni murakkablashtirmoqda.
Biz o‘yinlarimizda burilish yasashimiz kerak. Hech shubha yo‘qki, oldimizda turgan uchrashuvlar bizning mavsumimizni hal qiladi. Bugun jiddiy raqib bilan o‘yinda ko‘rsatganlarimizga asoslanib, mening jamoamda jangchilar bor, degan fikr paydo bo‘ldi. Ha, mening jangchilarim bor», - dedi Arteta Sky Sports bilan suhbatda.
