Лондоннинг "Арсенал" клуби бош мураббийи Микел Артета Англия Лига кубоги чорак финалида "Манчестер Сити"дан учралган йирик мағлубият (1:4) ҳақидаги фикрлари билан ўртоқлашди.

«Бу савиядаги рақиб сизни хатолар учун жазолайди ва бу ишни янада қийинлаштирди. Биз қарши ҳужумда яхши дақиқаларни ўтказдик, аммо кейин улар офсайддан гол уришди - якунда яна мағлуб бўлдик.

Ўйин қандай ўтган бўлса, буни қабул қилиш қийин. Бундай рақибга гол уришга имконият берсангиз, ғалаба қозонишингиз имконсиз бўлиб қолади. Ҳар бир учрашувларимизда жуда ғалати воқеалар содир бўляпти ва бу нарсалар вазифамизни мураккаблаштирмоқда.

Биз ўйинларимизда бурилиш ясашимиз керак. Ҳеч шубҳа йўқки, олдимизда турган учрашувлар бизнинг мавсумимизни ҳал қилади. Бугун жиддий рақиб билан ўйинда кўрсатганларимизга асосланиб, менинг жамоамда жангчилар бор, деган фикр пайдо бўлди. Ҳа, менинг жангчиларим бор», - деди Артета Sky Sports билан суҳбатда.