“Navbahor”ning Coca Cola Superliga–2020dagi statistik ma’lumotlari bilan tanishtirishda davom etamiz. Bu safar o‘yinchilarning maydonda qancha vaqt harakat qilganliklari borasidagi statistikaga to‘xtalib o‘tishni lozim deb topdik.

Yakunlangan mavsumda “Navbahor” tarkibida 29 nafar futbolchi maydonga tushdi.

Ta’kidlash joizki, ulardan 5 nafari – Sardor Telyakov, Dostonbek Abdulhayev, Mirzohid Mirzamahmudov, Husayn Ergashboyev va Sherzod G‘ulomjonov bu yil Superligada o‘z debyutlarini nishonlashdi.

Yakunlangan mavsumda “lochinlar” safida eng ko‘p 2 nafar tajribali futbolchi, ya’ni, darvozabon O‘tkir Yusupov hamda himoyachi Igor Golban maydonga tushishdi va ular 24 ta o‘yinda to‘liq, ya’ni, 2160 daqiqadan harakat qilishdi.

Jamoamizning mahoratli yarim himoyachisi Azizbek Turg‘unboyev garchi 25 ta bahsda maydonga tushgan bo‘lsa-da, u 5 ta uchrashuvda zaxira o‘rindig‘iga olingan bo‘lsa, 1 ta o‘yinda zaxiradan maydonga tushdi hamda 2116 daqiqa harakatlandi.

O‘z navbatida ta’kidlash joizki, Turg‘unboyev  1 ta uchrashuvni aynan diskvalifikasiya sababli, ya’ni, hisobidagi sariq kartochkalari soni 4 ta yetganligi bois, o‘tkazib yuborgandi.

Tajribali himoyachi Mirzohid G‘ofurov esa 22 ta o‘yyinda maydonga tushib, 1952 daqiqa harakatlandi.  

Quyida sizlarni “Navbahor”  futbolchilarining Superliga – 2020 dagi mavsum statistikasi bilan tanishtiramiz.

“Navbahor” PFK matbuot xizmati.