“Навбаҳор”нинг Coca Cola Суперлига–2020даги статистик маълумотлари билан таништиришда давом этамиз. Бу сафар ўйинчиларнинг майдонда қанча вақт ҳаракат қилганликлари борасидаги статистикага тўхталиб ўтишни лозим деб топдик.

Якунланган мавсумда “Навбаҳор” таркибида 29 нафар футболчи майдонга тушди.

Таъкидлаш жоизки, улардан 5 нафари – Сардор Теляков, Достонбек Абдулҳаев, Мирзоҳид Мирзамаҳмудов, Ҳусайн Эргашбоев ва Шерзод Ғуломжонов бу йил Суперлигада ўз дебютларини нишонлашди.

Якунланган мавсумда “лочинлар” сафида энг кўп 2 нафар тажрибали футболчи, яъни, дарвозабон Ўткир Юсупов ҳамда ҳимоячи Игорь Голбан майдонга тушишди ва улар 24 та ўйинда тўлиқ, яъни, 2160 дақиқадан ҳаракат қилишди.

Жамоамизнинг маҳоратли ярим ҳимоячиси Азизбек Турғунбоев гарчи 25 та баҳсда майдонга тушган бўлса-да, у 5 та учрашувда захира ўриндиғига олинган бўлса, 1 та ўйинда захирадан майдонга тушди ҳамда 2116 дақиқа ҳаракатланди.

Ўз навбатида таъкидлаш жоизки, Турғунбоев  1 та учрашувни айнан дисквалификация сабабли, яъни, ҳисобидаги сариқ карточкалари сони 4 та етганлиги боис, ўтказиб юборганди.

Тажрибали ҳимоячи Мирзоҳид Ғофуров эса 22 та ўййинда майдонга тушиб, 1952 дақиқа ҳаракатланди.  

Қуйида сизларни “Навбаҳор”  футболчиларининг Суперлига – 2020 даги мавсум статистикаси билан таништирамиз.

“Навбаҳор” ПФК матбуот хизмати.