Londonning «Tottenxem» klubi bosh murabbiyi Joze Mourinyo Angliya Liga Kubogi 1/4 final doirasida «Stok Siti» (3:1) ustidan qo‘lga kiritilgan g‘alabadan so‘ng, jamoa yarim himoyachisi Dele Alli haqida fikr bildirdi.
Alli asosiy tarkibda maydonga tushib, 66-daqiqada zahiraga olindi. Uning ehtiyotsizligi oqibatida yo‘qotilgan to‘pdan so‘ng, «Stok Siti» qarshi hujumni boshladi va gol kiritdi.
«Mening fikrimcha, uning pozisiyasida to‘p suradigan futbolchi jamoasiga vaziyat yaratish kerak, muammo emas. Ular qarshi hujumda bizni jazolashdi, shu sababli, men haqiqatdan ham g‘azabdaman.
Birinchi bo‘limda yaxshi harakat qildik. Raqib barcha vaqt to‘psiz o‘ynadi, darvozamiz tomon zarba bera olmadik, bitta ham burchak to‘pidan foydalanmadi. Biz esa raqibga bosim uyushtirish o‘rniga, o‘zimizga muammo ortirib oldik.
Oldimizda ikkita qiyin o‘yin kutib turibdi. Hozirda istalgan raqib bilan qiyin o‘yin bo‘ladi. Asosiysi yarim finaldamiz va kurashishda davom etamiz», – dedi Mourinyo.
