Лондоннинг «Тоттенхэм» клуби бош мураббийи Жозе Моуриньо Англия Лига Кубоги 1/4 финал доирасида «Сток Сити» (3:1) устидан қўлга киритилган ғалабадан сўнг, жамоа ярим ҳимоячиси Деле Алли ҳақида фикр билдирди.
Алли асосий таркибда майдонга тушиб, 66-дақиқада заҳирага олинди. Унинг эҳтиётсизлиги оқибатида йўқотилган тўпдан сўнг, «Сток Сити» қарши ҳужумни бошлади ва гол киритди.
«Менинг фикримча, унинг позициясида тўп сурадиган футболчи жамоасига вазият яратиш керак, муаммо эмас. Улар қарши ҳужумда бизни жазолашди, шу сабабли, мен ҳақиқатдан ҳам ғазабдаман.
Биринчи бўлимда яхши ҳаракат қилдик. Рақиб барча вақт тўпсиз ўйнади, дарвозамиз томон зарба бера олмадик, битта ҳам бурчак тўпидан фойдаланмади. Биз эса рақибга босим уюштириш ўрнига, ўзимизга муаммо ортириб олдик.
Олдимизда иккита қийин ўйин кутиб турибди. Ҳозирда исталган рақиб билан қийин ўйин бўлади. Асосийси ярим финалдамиз ва курашишда давом этамиз», – деди Моуриньо.
