Britaniyaning mashhur Guardian nashri talqiniga ko‘ra «MYU» a’zosi Markus Reshford yilning eng yaxshi futbolchisi deb topildi.

Uning ushbu nominasiyada g‘olib bo‘lishiga maydondan tashqarida ko‘rsatgan jonbozliklari ham sabab bo‘ldi.

Markus og‘ir pandemiya davrida aholining yordamga muhtoj qatlami hamda og‘ir ahvoldagi maktab o‘quvchilariga moddiy tomonlama yordam ko‘rsatganidan xabaringiz bor.

«Dunyoda minglab sharoiti og‘ir bolalar bor. Ular maktab hisobidagi oziq-ovqat btlan kun kechirishga majbur. Karantin sabab esa maktablar yopildi.

Ularga kimdir yordam berishi kerakku. Men o‘zim ham bola bo‘lganman. Buni yaxshi tushunaman va ularning och qolishini xohlamadim», - deya Reshfordning so‘zlaridan iqtibos keltiradi Guardian.