Kecha tunda Angliya Premyer-ligasining 19-turidan o‘rin olgan «Lester»- «Chelsi» o‘rtasidagi uchrashuv bo‘lib o‘tdi. «Tulkilar» londonliklar ustidan 2:0 hisobida g‘alaba qozonib, turnir jadvalida peshqadamga aylanib oldi. Uchrashuvdan keyin mezbonlar vakili Jeyms Meddison o‘z fikrlari bilan o‘rtoqlashdi.

“Biz tasodifan yoki qandaydir omad orqali bu yerga kelib qolganimiz yo‘q. Qilayotgan qattiq mehnatlarimiz uchun shu darajaga erishib turibmiz. Odamlar «Yunayted», «Liverpul», «Tottenhem» yoki boshqa jamoalar haqida gapirishayotganligini eshitishingiz mumkin, lekin mayli ular haqida gapirishaversin. Biz o‘z ishimizni orqa tomondan bajaramiz. Mavsum yakunlanganda ham birinchi o‘rinda bo‘lish imkoniyati borligiga umid qilamiz. Albatta, hozir ajoib hissiyotlar bilan o‘ralganmiz, balki uyga borganimda turning jadvalini yana bir bor tekshirarman”, — deb hazil qildi «Lester» futbolchisi.