Ushbu ruknimizdagi eng so‘nggi yangiliklar bilan tanishtirishda davom etamiz.
Chaloba «Lester»da?!
Angliyaning «Uotfurd» jamoasi yarim himoyachisi Nataniyel Chaloba faoliyatini boshqa jamoada davom ettirishi mumkin.
26 yoshli futbolchi bilan «Lester» klubi jiddiy qiziqib qolgan. Agar bu transfer amalga oshsa, «tulkilar» «Uotfurd»ga 10 million yevro to‘lab berishi lozim.
Eslatib o‘tamiz, Chaloba Londonning «Chelsi» jamoasi akademiyasi tarbiyalanuvchisi sanaladi.
«Milan»ga u kerak
Milanning «Milan» jamoasi Diyego Dalotni o‘z tarkibida olib qolmoqchi. «Daily Star» nashri bergan xabarlarga qaraganda, «rossonerilar» himoyachining o‘yinlaridan qoniqish hosil qilgan. Shu bois, unga yangi shartnoma taklif etish haqida bosh qotirmoqda.
Manbaning ma’lum qilishicha, 21 yoshli futbolchini «Manchester Yunayted» ortga qaytarmoqchi emas. Shu bois, mavsum so‘ngida, tomonlar transfer summasi borasida kelishuvga erishishi kutilmoqda.
«Liverpul»ga Diop kerak
Londonning «Vest Hem» jamoasi himoyachisi Issa Diop faoliyatini grand jamoada davom ettirishi mumkin.
«Daily Star»ning ma’lum qilishicha, 24 yoshli futbolchini «mersisaydliklar» ijaraga olish borasida taklif tayyorlamoqda.
Manbaning ma’lum qilishicha, «Liverpul» himoyachini 20 million yevroga sotib olish sharti bilan ijaraga olishni rejalashtirmoqda.
Xedira «Gerta»da?!
Germaniyaning taniqli nashri - «Kicker»ning xabar berishicha, Sami Xedira ayni damda «Gerta» klubi bilan shartnoma imzolash arafasida.
33 yoshli futbolchi bugun tibbiy ko‘rikdan o‘tdi. Manbaning ma’lum qilishicha, yarim himoyachi yangi jamoasi bilan 2,5 yillik shartnoma imzolaydi.
Eslatib o‘tamiz, avvalroq futbolchini Rossiya klublaridan biri bilan shartnoma imzolashi haqida xabarlar paydo bo‘lgan edi.
Tosun qaytadi
Angliyaning «Everton» klubi hujumchisi Jenk Tosun faoliyatini Turkiyada davom ettirishga yaqin turibdi.
«Sky Sports» nashrining ma’lum qilishicha, turkiyalik futbolchi «Beshtiktash» bilan muzokaralar olib bormoqda.
29 yoshli futbolchi Angliyada o‘yin amaliyotga ega bo‘lmayapti. Shu bois, mavsum so‘nggiga qadar Turkiyada ijara asosida to‘p surishga qaror qilgan.
