Londonning «Chelsi» klubi himoyachisi Antonio Ryudiger Lempard davridagi o‘z vaziyati haqida gapirdi.

Uning so‘zlariga qaraganda Frenk Antonioni yetarlicha o‘yin amaliyoti bilan ta’minlamagan. Natijada, futbolchi va murabbiy o‘rtasida yuzaga kelgan ziddiyat Lempardning iste’fosida muhim omillardan biri bo‘lib xizmat qildi.

«Yaqin ikki hafta oralig‘ida men haqimda juda ko‘p yolg‘on xabarlar tarqalyapti. Men hech qachon rahbariyatga murabbiylarning kamchiligini aytmaganman.

Lempard menga ta’tildan so‘ng dam olishga imkon berdi va qaytib mashg‘ulotlarga chaqirmadi, balki keraksiz deb o‘ylagandir.

Hatto, qishda mening o‘rnimga boshqa variantlarni ham ko‘rib chiqayotgani haqida eshitdim. Ammo unga sira ham yomon munosabatda bo‘lmaganman.

Rahbariyat ham uni yaxshi kayfiyatda kuzatib qo‘ydi. Uning iste’fosida bizning o‘zaro ziddiyatimiz hech qanday ahamiyat kasb etmaydi», - deydi Ryudiger.

Futbolchi jamoa bosh postiga Tuxel kelgach birin-ketin asosiy tarkibdan joy ola boshladi.