Лондоннинг «Челси» клуби ҳимоячиси Антонио Рюдигер Лемпард давридаги ўз вазияти ҳақида гапирди.

Унинг сўзларига қараганда Фрэнк Антониони етарлича ўйин амалиёти билан таъминламаган. Натижада, футболчи ва мураббий ўртасида юзага келган зиддият Лэмпарднинг истеъфосида муҳим омиллардан бири бўлиб хизмат қилди.

«Яқин икки ҳафта оралиғида мен ҳақимда жуда кўп ёлғон хабарлар тарқаляпти. Мен ҳеч қачон раҳбариятга мураббийларнинг камчилигини айтмаганман.

Лэмпард менга таътилдан сўнг дам олишга имкон берди ва қайтиб машғулотларга чақирмади, балки кераксиз деб ўйлагандир.

Ҳатто, қишда менинг ўрнимга бошқа вариантларни ҳам кўриб чиқаётгани ҳақида эшитдим. Аммо унга сира ҳам ёмон муносабатда бўлмаганман.

Раҳбарият ҳам уни яхши кайфиятда кузатиб қўйди. Унинг истеъфосида бизнинг ўзаро зиддиятимиз ҳеч қандай аҳамият касб этмайди», - дейди Рюдигер.

Футболчи жамоа бош постига Тухель келгач бирин-кетин асосий таркибдан жой ола бошлади.