«Tottenxem»da ijara asosida o‘ynayotgan «Real» yarim himoyachisi Garet Beyl Angliya chempionatida o‘zini ko‘rsata olmayapti. "As" tarqatgan xabarga ko‘ra, «shporlar» bosh murabbiyi Joze Mourinyo uelslik futbolchidan charchadi.
Shu bois, mutaxassis unga kam o‘yin amaliyoti bermoqda. Masalan, «Chelsi»ga qarshi o‘yinda (0:1) Beyl hujum chizig‘i vakillari orasida maydonga tushirilmagan yagona o‘yinchi bo‘ldi. Bundan tashqari, o‘yin tugashiga bir necha daqiqa qolganida Garet mashq bajarishni to‘xtatdi va zaxira o‘rindig‘iga o‘tirdi.
Bundan tashqari, «Tottenxem» Beylni sotib olmoqchi emas yoki ijara muddatini ham uzaytirmaydi. Shu bois, u katta ehtimol bilan 2021 yilning yozida «Real»ga qaytadi. Eslatib o‘tamiz, Beylning madridliklar bilan shartnomasi 2022 yilning yozida yakuniga yetadi.
31 yoshli futbolchi APLning joriy mavsumida 6ta o‘yinda maydonga tushib, bitta gol urdi.