AGMK qator yosh futbolchilarini o‘yin amaliyotiga ega bo‘lishi maqsadida turli jamoalarga ijaraga berishga qaror qildi.
Xususan iqtidorli yosh kiper Nizomiddin Ziyovutdinov yangi mavsumni "Andijon" jamoasida ijarada o‘tkazadi. Shuningdek, iste’dod sohibi, tezkor o‘ng qanot himoyachisi Eldor Begimov yangi mavsumda ijara asosida Pro-ligaga chiqarilgan "Olimpik" jamoasida o‘ynaydi. Hujumkor yarim himoyachi Sardor Abdunabiyev ham 2021 yilgi mavsumni ijarada asosida Pro-liga ishtirokchisi "Neftchi" safida o‘tkazadi.
Yangi mavsum arafasida jamoamiz bilan shartnoma imzolagan chap qanot himoyachisi Ergash Ismoilov mavsum yakuniga qadar Jizzaxning “So‘g‘diyona” jamoasiga ijaraga berildi.
Bunga qadar jamoamiz 8 nafar futbolchi: Roman Abdulov, Igor Zonich, Saydullo Rahmatov, Bahrom Abdurahimov, Arslonmirat Amanov, Elguja Grigalashvili, Mate Vatsadze va Shahzod Nurmatov bilan rasman xayrlashgandi. Ketgan futbolchilar qatoriga o‘tgan ikki mavsumda jamoamiz sharafini himoya qilgan o‘ng qanot himoyachisi Akmal Shorahmedov ham qo‘shildi. AGMK jamoasi mazkur futbolchilarga minnatdorchilik bildiradi va ularning kelgusi faoliyatida omad tilaydi.
AGMKdan ketgan futbolchilar ro‘yxati:
Darvozabon: Roman Abdulov (erkin agent), Nizomiddin Ziyovutdinov ("Andijon", ijara)
Himoyachilar: Igor Zonich (erkin agent), Akmal Shorahmedov (erkin agent), Saydullo Rahmatov (erkin agent), Eldor Begimov ("Olimpik", ijara), Ergash Ismoilov (“So‘g‘diyona”, ijara)
Yarim himoyachilar: Bahrom Abdurahimov (erkin agent), Arslonmirat Amanov (erkin agent), Elguja Grigalashvili (erkin agent), Sardor Abdunabiyev ("Neftchi", ijara)
Hujumchilar: Shahzod Nurmatov (erkin agent), Mate Vatsadze (erkin agent)
AGMKga kelgan futbolchilar:
Darvozabon: Botirali Ergashev (erkin agent)
Himoyachilar: Dilshod Ahmadaliyev (erkin agent), Abbos Otaxonov (erkin agent), Ergash Ismoilov (erkin agent), Akrom Komilov ("Paxtakor", transfer)
Yarim himoyachilar: Sanjar Shoahmedov (erkin agent), Shohruh Gadoyev (erkin agent),
Hujumchi: Aleksandr Kasyan (erkin agent)
