Biroz oldin yakuniga yetgan «Inter» hamda «Jenoa» o‘rtasidagi bahsda mezbonlar yirik hisobda g‘alaba qozondi (3:0).

O‘yinning ilk daqiqalaridan to‘pga nazoratni o‘z qo‘liga olgan «neradzurrilar» Lukakuning 1-daqiqadagi goli bilan oldinga chiqib olishdi. Ushbu golga Lautaro assistentlik qildi.

Keyinchalik ham hujumlarni to‘xtatmagan «Inter» Darmian hamda Sancheslarning goli evaziga hisobni yirik ko‘rinishga keltirib qo‘yishdi.

Uchrashuvda hamyurtimiz Eldor Shomurodov 61-daqiqada zaxiradan maydonga tushirildi.

INTER – JENOA 3:0 (1:0)

Gollar: Lukaku 1', Darmian 69', Sanches 77'

Inter – Xandanovich, de Vrey, Shkrinyar, Bastoni, Darmian (D'Ambrozio, 84), Brozovich (Galyardini, 76), Perishich (Yang, 84), Eriksen, Barella (Vidal, 84), Martines (Aleksis Sanches, 76), Lukaku.
Jenoa - Perin, Sapata, Radovanovich (Onguene, 46), Goldaniga, Gilyone (Shomurodov, 62), Melegoni (Portanova, 71), Rovella, Strotman (Bexrami, 46), Chiborra, Skamakka (Pandev, 62), Pyasa.
Ogohlantirishlar: Sapata (19), Strotman (40).