Angliya chempionatining 29-turidan o‘rin olgan «Arsenal» va «Tottenxem» jamoalari o‘rtasidagi uchrashuv yakuniga yetdi.

Bahsning 33-daqiqasida Erik Lamela "shporlar"ni oldinga olib chiqqan bo‘lsa, bo‘lim tugashiga bir daqiqa qolganida Edegor muvozanatni tikladi.

Ikkinchi bo‘lim o‘rtasida esa "Tottenxem" darvozasi tomon penalti belgilandi. Aleksander Lyakazett undan samarali foydalanib, "Arsenal"ni oldinga olib chiqdi.

O‘yin tugashiga 14 daqiqa qolganida esa Erik Lamela maydondan chetlatilishini oqibatida Mourinyo jamoasining ahvoli qiyinlashdi. Natijada "Arsenal" g‘alaba qozonib, 10-o‘ringa ko‘tarilib oldi. "Tottenxem" esa 7-o‘ringa tushib qoldi.

Angliya chempionati, 29-tur
Arsenal – Tottenxem 2:1 (1:1, 1:0)
Gollar: 0:1 – 33 Lamela, 1:1 – 44 Edegor, 2:1 – 64, penalti Lyakazett.
Arsenal – Leno, Gabriel, Tirni, David Luiz, Soaresh, Saka (Pepe, 46), Parti, Smit-Rou (Villian, 77), Jaka, Edegor, Lyakazett (El-Nenni, 88).
Tottenxem – Lyoris, Regilon, Sanches, Doerti, Alderveyreld, Xeybyerg, Ndombele (Alli, 62), Beyl (Sissoko, 57), Lukas Moura, Son Xin Min (Lamela, 19), Keyn.
Ogohlantirishlar: Regilon (40), Sanches (63), Lamela (69), Djaka (82).
Chetlatish: Lamela (76).