«Yuventus» klubi rahbariyati hujumchi Paulo Dibalaga taklif qilayotgan shartnoma bandlarini yaxshilashdan bosh tortmoqda. Bu haqda "Football Italia" xabar tarqatdi.

Manbaga ko‘ra, «Yuve» o‘tgan yilning yozida argentinalik futbolchiga yillik maoshi 10 million yevroga teng shartnoma taklif qilgan edi. Paulo va uning agenti ushbu taklifga rad javobini berishdi. "Byankoneri" esa o‘shandan buyon yangi shartnoma taklif qilmadi.

27 yoshli futbolchi va turinliklar o‘rtasida tuzilgan shartnoma 2022 yilning yozida yakuniga yetadi. Agar tomonlar kelishuvga erisha olishmasa, "Yuventus" Dibalani bepul yo‘qotmaslik uchun uni yozda sotib yuborishi mumkin.

Mavsum-2020/21da Dibala «Yuventus» tarkibida 16ta bahsda maydonga tushib, 3ta gol va 2ta assist muallifiga aylandi. U mavsumning ko‘p qismini jarohat tufayli o‘tkazib yubormoqda.