Italiya 2022 yilgi Jahon chempionati saralashida Shimoliy Irlandiyani mag‘lub etdi(2:0).

Roberto Manchini jamoasi bilan ketma-ket 23 uchrashuv o‘tkazdi va bu o‘yinlarning birortasida mag‘lub bo‘lmadi. 18 g‘alaba, 5 durang.

Bu boradagi eng yaxshi seriya Marchello Lippi boshchiligidagi jamoa bilan 2006-yil qayd etilgan. O‘shanda Italiya ketma-ket 25 uchrashuvda mag‘lub bo‘lmagan.

Manchini boshchiligidagi Italiya terma jamoasi oxirgi marta 2018 yil 10 sentyabrda, Millatlar Ligasi musobaqasi doiraida Portugaliya qarshi o‘yinda mag‘lub bo‘lgan edi(0:1).

Italiyaliklarning navbatdagi o‘yini 28 mart sanasida Bolgariya termasiga qarshi bo‘lib o‘tadi.