«Yuventus» koronavirusga qarshi protokolni buzgan 3 futbolchiga qarshi qat’iy choralar ko‘rishi mumkin.
20 kishi ishtirok etgan bazmga yarimhimoyachilar Ueston Makkeni va Artur, shuningdek hujumchi Paulo Dibala tashrif buyurishdi. Ushbu bazm amerikalikka tegishli villada bo‘lib o‘tdi.
La Stampa ma’lum qilishicha, "Yuventus" rahbariyati ushbu voqeadan g‘azablanmoqda. Klub uchta futbolchini jamoa bilan bir nechta o‘yinda ishtirok etishdan chetlashtirmoqchi.
Shunday qilib, futbolchilar Turin derbisini o‘tkazib yuborishlari mumkin. Ushbu o‘yin esa 3 aprelga belgilangan.
Artur bu o‘yinni baribir o‘tkazib yuborgan bo‘lardi, chunki u jarohat olgan. Paulo Dibala esa jarohatidan so‘ng ikki oy ichida birinchi marta "Yuve" tarkibiga qaytishi mumkin.
Shu bilan birga, Turin klubi allaqachon koronavirusga qarshi qoidalarni buzgani uchun futbolchilarni 400 evro miqdorida jarimaga tortadi.
