«Ювентус» коронавирусга қарши протоколни бузган 3 футболчига қарши қатъий чоралар кўриши мумкин.
20 киши иштирок этган базмга яримҳимоячилар Уэстон Маккени ва Артур, шунингдек ҳужумчи Пауло Дибала ташриф буюришди. Ушбу базм америкаликка тегишли виллада бўлиб ўтди.
La Stampa маълум қилишича, "Ювентус" раҳбарияти ушбу воқеадан ғазабланмоқда. Клуб учта футболчини жамоа билан бир нечта ўйинда иштирок этишдан четлаштирмоқчи.
Шундай қилиб, футболчилар Турин дербисини ўтказиб юборишлари мумкин. Ушбу ўйин эса 3 апрелга белгиланган.
Артур бу ўйинни барибир ўтказиб юборган бўларди, чунки у жароҳат олган. Пауло Дибала эса жароҳатидан сўнг икки ой ичида биринчи марта "Юве" таркибига қайтиши мумкин.
Шу билан бирга, Турин клуби аллақачон коронавирусга қарши қоидаларни бузгани учун футболчиларни 400 эвро миқдорида жаримага тортади.
