Superliganing 4-turidan o‘rin olgan "Andijon" - "Mash’al" (1:1) uchrashuvidan keyin mehmonlar bosh murabbiyi o‘z fikrlarini bildirdi.

"Qiziqarli o‘yin bo‘ldi. "Andijon" sobiq klubim bo‘lgani uchun bugun yutishni ham, yutmaslikni xohlamadim (kuladi). Yo‘q baribir menimcha ko‘proq yutishni istadim. Shunday asabiy o‘yin bo‘lishini taxmin qilgandik. Bugun sifatli futbol ko‘rmadik, asosiy urg‘u uzun paslarga va kurashlarga qaratildi. Kim mana shu kurashlarga dosh bersa o‘sha g‘olib bo‘lardi. Afsuski... birinchi taymda ikkita yomon bo‘lmagan vaziyat yaratdik. Ammo bu yetmadi va jangovar durang bo‘ldi, sizlarni ranjitmaslik uchun durang bo‘ldi (kuladi). Jurnalistlarni bir ochko bilan tabriklayman", - deydi Aleksandr Xomyakov.

- Natijadan qoniqdingizmi?
- "Baliq yo‘g‘ida, qisqichbaqa ham baliq" deyishadiku. Safarda durang, ayniqsa menga yoqib qolgan Andijon shahrida durang o‘ynash yoqimli.

- Yangi "Andijon" klubi sizga yoqdimi?
- Albatta, o‘zgarishlar bo‘layotgani ko‘rinmoqda. Klub tepasiga jiddiy insonlar kelishgani quvontiradi. Ular intilishmoqda. Rivojlanishni tilayman. Shunday muxlislarga ega shaharda mana shunday kuchli jamoa bo‘lishi shart.

- VAR haqida nima deysiz?
- Ajoyib! Faqat men bu o‘yin yakunlanmaydi deb o‘yladim (kuladi). Qolgan barchasi ajoyib! Sababi bahsli vaziyatlarda bu yordam beradi. Muxlislar bosimi ostida hakam xatoga yo‘l qo‘yishi mumkin