“Humo” arena bo‘lib o‘tayotgan boks kechasida o‘zbekistonlik bokschi Sanjar Tursunov ukrainalik Ivan Yuhta bilan jang o‘tkazdi.
Mazkur jangning birinchi raundi va ikkinchi raundi Sanjar Tursunovning ustunligi bilan o‘tdi. Uchinchi raund esa teng ruhda o‘tdi. To‘rtinchi raundda Tursunov raqibini holdan toydirdi va o‘zi ham ancha holdan toydi. Jangning beshinchi raundi teng kurashlar ostida kechdi, ammo g‘olib nomi aniqlanmadi. Sanjar va Ivan Yuxtaning jangi 6 raundga kelib, har ikki charm qo‘lqop ustalari biroz charchagandek ko‘rindi. G‘olib nomi esa ochkolar hisobiga aniqlandi. Barcha hakamlar bir og‘izdan Tursunovning g‘alabasini ko‘rsatishdi.
Shunday qilib, "Humo" arenadagi boks oqshomining ikkinchi jangida ham hamyurtimiz qalaba qozondi.