“Humo” арена бўлиб ўтаётган бокс кечасида ўзбекистонлик боксчи Санжар Турсунов украиналик Иван Юҳта билан жанг ўтказди.
Мазкур жангнинг биринчи раунди ва иккинчи раунди Санжар Турсуновнинг устунлиги билан ўтди. Учинчи раунд эса тенг руҳда ўтди. Тўртинчи раундда Турсунов рақибини ҳолдан тойдирди ва ўзи ҳам анча ҳолдан тойди. Жангнинг бешинчи раунди тенг курашлар остида кечди, аммо ғолиб номи аниқланмади. Санжар ва Иван Юхтанинг жанги 6 раундга келиб, ҳар икки чарм қўлқоп усталари бироз чарчагандек кўринди. Ғолиб номи эса очколар ҳисобига аниқланди. Барча ҳакамлар бир оғиздан Турсуновнинг ғалабасини кўрсатишди.
Шундай қилиб, "Humo" аренадаги бокс оқшомининг иккинчи жангида ҳам ҳамюртимиз қалаба қозонди.
