Bugun tunda Toshkent vaqti bilan 00:00 da Yevropa Chempionlar ligasi chorak final javob bahslari doirasida ikkita o‘yin bo‘lib o‘tadi.

Parijda PSJ «Bavariya»ni qabul qilsa, Sevilyada «Chelsi» «Portu»ni mehmon qiladi. Qayd etish kerak, yuqoridagi o‘yinlarning ikkinchisida biroz bo‘lsada intriga «o‘lib» bo‘lgan. Biroq «Park De Prens»dagi uchrashuv bizga haqiqiy dramani taqdim etishi shubhasiz.

Jarohatlar girdobida qolgan «nemis mashinasi» 2:3 ni yo‘qqa chiqarishga harakat qilib ko‘radi. «Portu» esa keyingi bosqichga yo‘l olishi uchun «aristokratlar» darvozasiga kamida 2 ta javobsiz gol urishi kerak.