"Bavariya" himoyachisi David Alaba kelajagi borasida bir qarorga keldi.

Nemis manbalarining ta’kidlashicha, u faoliyatini «Real» da davom ettiradi. Aavstriyalik nihoyat taxminiy moliyaviy shartlar to‘g‘risida kelishib olgan. U «Real» ga tekinga ko‘chib o‘tadi. Yozda uning «Bavariya» bilan shartnomasi tugaydi.

Taxminlarga ko‘ra, David Serxio Ramosga to‘g‘ridan-to‘g‘ri o‘rinbosar bo‘lishi mumkin. Hozircha sardorning yangi shartnomasi haqida yangilik yo‘q.

Alaba 2009 yildan buyon Myunxenning «Bavariya» jamoasida o‘ynab kelmoqda.