"Barselona" o‘zining fransiyalik vingeri Usmon Dembele bilan yangi shartnoma imzolashga qat’iy qaror qildi, deb xabar beradi bir qancha ispan nashrlari. Kataloniyaliklar kelasi yozda uni tekinga qo‘yib yubormaslik uchun futbolchining amaldagi shartnomasini uzaytirish bo‘yicha harakatlarni boshlamoqchi.
Ma’lumot uchun 23 yoshli fransiyalik futbolchi joriy mavsum "ko‘k anorranglilar" safida 24 ta o‘yinda maydonga tushib, 5 ta gol va 2 ta golli uzatmaga mualliflik qildi. Transfermarkt portali futbolchini 50 million yevroga baholamoqda.